Magkapatid (Tentative)
an excerpt

Easter Sunday noon. Pasko ng Pagkabuhay para sa mga matatanda. Para sa mga Katolikong tulad ng pamilya Malvar, ang araw na ito ang huling araw sa buong linggo ng paggunita ng Holy Week o Semana Santa. Nag-uumpisa ito sa Linggo ng Palaspas o Domingo de Ramos. Palm Sunday para sa marami. Mula Lunes Santo hanggang Miyerkules Santo, marami na ang namamanata at nangingilin sa paggunita sa mga paghihirap ng Panginoong Hesukristo. Pagsapit ng Huwebes Santo at Biyernes Santo na tinatawag na Mahal na Araw, tahimik na ang lahat. Walang may gustong lumabas ng bahay lalo na kung Biyernes Santo sa paniniwala nilang walang Diyos pagkaraang mamatay ni Hesus dakong alas-tres ng hapon. Ang Easter Sunday o Dia de Pascua naman ang katapusang araw ng Holy Week kung saan ang lahat ay nagsisipagsaya.

Kung sa marami, ang araw na ito ay para sa mga kasiyahan, kakaibang lungkot naman ang dala nito para kay Alberto. Ito ang huling araw nina Anna at Consuelo dito sa Hacienda, sapagkat sa araw na ito natatapos ang isang linggong pagbabakasyon nila.

Sa araw na ito, maagang nagsigising ang lahat sa Hacienda upang magsidalo sa misa ng Salubong na taunang isinasagawa sa bayan. Pagkatapos nito, kanya-kanyang handaan ang dinadaluhan ng mga tao, patunay na tapos na nga ang Semana Santa at tapos na rin ang paggunita sa mga paghihirap at pagkamatay ni Hesukristo.

Hindi makayanan ni Alberto na makipagsaya sa mga tao sa Hacienda tulad ng mga nagdaang taon. He felt that their feast and festivities were meant to taunt his sadness and celebrate Anna's departure from the Hacienda, and from his life, as well.